Link açıqlığı

Qırımtatar halqınıñ lideri, Ukraina halq deputatı, Ukraina prezidentiniñ qırımtatar halqınıñ işlerinden vekâletlisi Mustafa Cemilev ve Qırımtatar Milliy Meclis reisi Refat Çubarov bugün aqşam Kiyevden Türkiyege yol alıp, prezident Recep Tayip Erdoğan ile körüşecekler. Aynı zamanda Türkiye baş naziri Ahmet Davutoğlu ile körüşüv keçirilmesi planlaştırıla, dep haber ete QHA agentligi.

Mustafa Cemilevniñ bildirgenine köre, planlaştırılmağan Türkiye ziyareti devamında qırımtatar halqınıñ vekilleri Türkiye liderleri ile Qırımda qırımtatarlarnıñ al-vaziyetini muzakere etmek niyetindeler. Böylece, Türkiye tarafından Qırımda qırımtatar halqınıñ vaziyetini ögrenecek resmiy eyyet yollanması baqılacaq.

Cemilevniñ aytqanına köre, onıñ Türkiye ziyareti bir kün sürecek, çünki onıñ «sessiya (Ukraina parlamenti – muarrir) açılmasına yetiştirmesi kerek».

XS
SM
MD
LG