Yılnıñ soñuna qadar Aqmescitniñ bütün kommunal müessiseleri yerine belediye ünitar müessiseler meydanğa ketirilecek.
Bu aqqında şeer memuriyetiniñ yolbaşçısı Gennadiy Baharev matbuat konferentsiyasında ayttı, dep haber ete Krım Media agentligi.
Onıñ aytqanına köre, bugünde-bugün Aqmescitte 37 kommunal müessise mevcut, olar vazifelerini «semeresiz eda etip, ileride yoq etilecekler».
Belediye ünitar müessiseler cemaat naqliyatı, çöplükni toplav içün, em de maşina duraqları içün ayrı müessise meydanğa ketirilecek.
