Link açıqlığı

Rusiye ceza ve cermay fiyatlarınıñ ucuzlaşması sebebinden maliye zararlarını esapladı


Rusiye ğarp cezalarından sebep bir yılda 40 milliard dollardan marum qala, cermay fiyatlarınıñ ucuzlaşmasından sebep – tahminen 100 milliard dollardan.

Bunı Rusiye maliye naziri Anton Siluanov ükümet yanındaki Maliye akademiyası forumında bildirdi, dep haber eteler Rusiye haber agentlikleri.

Bu sene cermaynıñ eñ yüksek fiyatı 115 dollarnı iyün ayında teşkil etken edi. Şimdi onıñ fiyatı 80 dollar civarındadır.

AQŞ, Avropa Birligi ve diger ğarbiy memleketler Qırım işğali ve Donbassta boyeviklerge köstergen yardımdan sebep Rusiyeni cezaladılar. Rusiye Ukraina şarqında vaziyetni kerginleştirüvge onıñ alâqası olmağanını bildire.

XS
SM
MD
LG