Bazarertesi künü, noyabr 24-te, Aqmescitteki Soçinskaya soqağında transformator podstantsiyasında yanğın yüz berdi.
Bunı Qırım «Fevqulâde vaziyetler nazirliginiñ» matbuat hızmeti bildire.
Berilgen malümatqa köre, yanğın yerli vaqıtqa köre saat 8:30 yüz berdi, bir saatten yanğıncılar 20 kvadrat metrlik meydanda yanğınnı söndürdiler.
Krıminform malümatına köre, yanğın sebebinden Zalesskaya, Dm.Ulyanov, Russkaya soqaqları ve olarnıñ civarında ışıq yoq.
