Link açıqlığı

Bazar künü bir qaç yüz faal Poloniya paytahtınıñ merkezinde Ukraina ile birdemlik yürüşini ötkerip, ukrainlilerge qol tuttılar ve elâk olğanlarnı Varşavadaki Ukraina elçihanesindeki hatıra tahtası yanında añdılar, dep haber ete Azatlıq Radiosı.

Birdemlik yürüşini «Evromaydan Varşava» ve «Açıq dialog» fondu cemaat teşkilâtları topladılar. Tam bir yıl evelsi bu künü Poloniyada Ukraina elçihanesi yanında ilk narazılıq aktsiyası ötkerilgen edi.

«Bütün Avropada ve bütün dünyada ukrainlerge lehlerden yaqın halq yoq. Bu yalıñız güzel laf degil. Bunı mında ve şimdi yazılğan tarih tasdıqlay», – dep qayd etildi ukrainlerniñ lehlerge yollağan teşekkürnamesinde.

Ukraina ve Poloniya bayraqları altında kolonna şeer boyu keçti. Aktsiya Varşavadaki Ukraina elçihanesi yanında yekünlendi. İştirakçiler hatıra tahtası yanında çıraq yaqıp, elâk olğan qaramanlarnı sükünet daqqası ile añdılar, dep bildire «Açıq dialog» fondu.

XS
SM
MD
LG