Sentâbr ayında Aqmescitte yol omravı aqibetinde zarar körgen bir buçuq yaşında Selim Saliyev eki aylıq tedaviylevden soñ Moskvadan Aqmescitke ketirildi.
Oğlançıqnı uçaqnen alıp keldiler.
Ekimlerniñ bildirgenine köre, balanıñ alı bir qarar, dep yaza Qırım akimiyetiniñ ruporı Krıminform saytı.
Noyabr ayınıñ başında Qırım «ükümeti» sentâbr 28-de yüz bergen yol eşilüviniñ ilk neticelerini aydınlattı. Böylecek, maşina yolu ve tonnel leyhasında bir sıra hatalar tapılğan eken.
Hatırlatamız, sentâbr 28-de gece Aqmescitte yol omradı. VAZ maşinası peyda olğan çuqurğa tüşti.
Altı insan, şu cümleden eki üç yaşında bala, elâk oldı. 12 yaşında qızçıq ve bir yaşında oğlançıq sağ qaldılar. Birazdan balanı Moskvağa tedaviylevge yolladılar. Onıñ tatası Leviza Qırımda tedaviylev kursından keçti.
