Link açıqlığı

Qarasuvbazar rayonınıñ Beş Aran Otar köyünde yañı ibadethane quruldı. Bu köy şurası erkânında bulunğan üç qasaba sakinleri içün çalışqan yekâne cami. Mescit yerli musulmanlar cemiyeti, «Sozidaniye» medeniy merkezi ile işbirlikte bulunğan iş adamları ve Qırım Musulmanları Diniy İdaresiniñ yardımı ile quruldı.

Qırım.Aqiqat mühbiri bildirgeni kibi, yerli sakinler bu quvançlı vaqianı 20 yıldan berli bekley ediler, Esli başlı musulmanlarından bazıları bu künlerge yetip olamadılar. Beş Aran Otar köyüniñ imamı Server Osmanovnıñ sözlerine binaen, qasabada 200 qırımtatar ailesi yaşay.

«Bu topraq, yani 30 sotka, yerli köy şurası tarafından ta 90-ci yılları ayırılğan edi. Maliyeviy yardımcıları ve qurucılıq malzemeleri içün para tapqan soñ, işimizni başladıq. Mescitniñ quruclığında Beş Aran Otar köyüniñ yedi sakini daimiy şekilde iştirak etken ediler». – dey köy imamı Server Osmanov.

Cami 150 ziyaretçini qabul ete bile. Mescit teritorriyasında abdesthane ve imamnıñ evi mevcut. Bunıñnen beraber, ibadethaneniñ baş inşaatında balalarğa İslâm dini temel bilgileriniñ ögretmesi içün donatılğan sınıf bar. Cami inşaatına çoq vaqıt sarf etilmedi. İbadehaneniñ temeli bu yıl aprel 15 künü qoyuldı.

Umumiy leyhadan ğayrı yerli sakinler cemaat iftarlarınıñ ötkerilmesi içün qoşma inşaatnı qurmaq qararına keldiler.

XS
SM
MD
LG