Cumaertesi künü, noyabr 22-de, Ukrainada Golodomor qurbanlarınıñ hatırasına matem tedbirler keçirile.
Berilgen malümatqa köre, «Ukrainada golodomor qurbanları hatırasına abide» milliy müzeyinde 1932-1933 seneleriniñ Golodomornıñ qurbanı olğan millionlarnen insannıñ hatırasına matem mitingi keçirile.
Mitingde akimiyet, çetel devletlerniñ elçihane, cemaat ve diniy teşkilâtlarnıñ vekilleri iştirak eteler. Aktsiya iştirakçileri abidege çeçek qoyıp, elâk olğanlarnı sükünet daqqası ile añalar.
Aktsiyağa Ukrainanıñ merkeziy telekanalları da qoşuldı – sükünet daqqalarını köstereler.
Ukrain evinde 1932-1933 seneleriniñ Golodomor vaqtında ukrainlerniñ qarşılığı aqqında milliy hatıra aqqında Ukraina institutınıñ ekspozitsiyası çalışa.
Ukraina ilimler milliy akademiyasınıñ malümatına köre, 1932-1934 seneleri Ukrainada Golodomor neticesinde tahminen 4,5 million insan elâk oldı.
Ukrainlilerniñ ekseriyeti (72%) 1932-33 seneleriniñ Golodomorını ukrain halqınıñ genotsidi olaraq tanıy.
