Cumaertesi künü, noyabr 22-de, Ukrainada 2004 senesiniñ Portaqal inqilâpnıñ on yıllığı qayd etile.
Azatlıq Radiosınıñ bildirgenine köre, inqilâp Ukraina saylavları adalet esasında keçirilmesi içün başlağan edi.
2004 senesi noyabr 21-de rey berüvniñ ekinci basamağı ötkerilgen edi. Mında o vaqıtları baş nazir olğan Viktor Yanukoviç ve muhalifet vekili Viktor Yuşçenko raqip oldılar.
Yanukoviçniñ ğalebesi aqqında bildirgen ilk resmiy neticeler aydınlatılğan soñ, ekzit-pol malümatları ve resmiy malümatlar biri-birine zıt kelgeni belli oldı.
Yuşçenkonıñ tarafdarları ve bir çoq çetel nezaretçi Yanukoviçniñ komandası saylavlarnı qalplıq etti, dep tüşündiler.
Ertesi künü yüz biñlernen ukrainli Kiyev ve Ukrainanıñ diger şeerlerinde soqaqlarğa çıqıp, qalplıqqa qarşı narazılıq köstermege başladılar.
Devamlı mitinglerden soñ saylavlarnıñ ekinci basamağı belgilendi, Anayasa deñişmeleri tasdıqlandı.
Tekrar keçirilgen rey berüv neticesinde Viktor Yuşçenko ğalebe qazandı.
Resmiy olmağan malümatlarğa köre, umumen narazılıq aktsiyalarında 3-7 million insan iştirak etken edi.
