İşğal etilgen Keriçte Keriç şeer şurasınıñ deputatları memuriyet başı vazifesine Sergey Pisarevni lâyıq kördiler. Bunı cuma künü, noyabr 21-de, Keriç şeer şurasınıñ matbuat hızmeti bildirdi.
Belli olğanı kibi, memuriyet başı namzetleri Rusiye qanunları boyunca olğan bilgileriniñ teşkerüvinden ve mahsus komissiya azaları ile subetten keçtiler.
Neticede Keriç şeer şurası toplaşuvında eki namzet kösterildi – Viktor Dahin ve Sergey Pisarev.
Açıq saylavlardan evel Dahin deputatlarğa muracaat etip, öz namzetliginden vazgeçkenini bildirdi.
Pisarevge toplaşuvda bulunğan 26 deputattan er biri qol tuttı,– deyler matbuat hızmetinde.
«Şeer yolbaşçılığı ögünde olğan meselelerni akimiyetniñ eki pıtağı amelge keçirilmeli – uquq çıqarıcı ve icraiy yolağı. Böyle alda muvafaqiyet olacaq. Bu şeer insanlar içün bir şeer omlalı, bu – bizim esas vazifemizdir», – dep ayttı yañı saylanğan memuriyet başı.
52 yaşında olğan Pisarev 2002-2006 seneleri Ukraina halq deputatınıñ muavini edi, 2010-2014 seneleri – Keriç şeer şurasınıñ deputatı, 2014 senesi «Yedinaya Rossiya» firqasınıñ azası ve Qırım Cumhuriyetiniñ Şurasınıñ deputatı oldı.
