Link açıqlığı

Saatnıñ esas haberi

Matbuat vastaları: Kiselövnıñ «Rossiya segodnâ» haber agentliginiñ baş prodüseri vannahanesinde asıldı


Rusiye Federatsiyasınıñ paytahtı Moskvada jurnalist, Dmitriy Kiselövnıñ rusiyeli haber agentliginiñ prodüser merkeziniñ yolbaşçısı Anton Kostılöv özüni öldürdi.

Lifenews Rusiye neşiri haber etkeni kibi, erkekni vannahanede tuvğanları taptılar.

«Rossiya segodnâ» neşiriniñ prodüseri qızdıruv tertibatınıñ borusında qayışta asıldı, – dep yaza neşir.

Moskvanıñ uquq qoruyıcı organlarında olğan qaynaqlarınñ malümatına köre, Kostılöv ölümden evel iç bir tezkereni qaldırmadı. Tuvğanlarınıñ aytqanı kibi, soñ zamanları adamnıñ ruhiy alı tüşkün edi.

Belli olğanı kibi, Dmitriy Kostılöv 2013 senesi RİA Novosti, soñra ise MİA «Rossiya segodnâ» baş prodüseri olğan edi.

Bundan evel jurnalist birqaç neşir ile işbirlikte buluna ve bir sıra internet-matbuat vastalarında yüksek vazifelerni eda ete edi.

XS
SM
MD
LG