Noyabr 22-24 künleri Qırımda ava şaraitleri, ayırıca şimaliy-şarqiy yel suratınıñ 18-23 m/s qadar yetecegi aqqında tenbiyelediler.
Yelniñ küçleşüvi aqqında bildirüv Qırımnıñ «Fevqulâde vaziyetler boyunca» saytında «acele haber» kibi nişançıq ile peyda oldı.
«Yelniñ küçleşüvi ile bağlı fevqulâde vaziyetlerniñ peyda olması beklenile», – deyler müessisede.
Bu sebepten qırımlılarnı bu künleri dağ ve deñiz seferlerinden vazgeçmege çağıralar.
Ava şaraitleri sebebinden Keriç keçiti işini toqtattı. Mında noyabr 21-de, saba, nevbette 900 maşina tura edi.
