Link açıqlığı

İşğal etilgen Qırım yollarında ukrain tilinde yazılğan yol işaretlerini yoq eteler


Şevket Namatullayevniñ fotoresimi

İşğal etilgen Qırımda yol işaretlerini deñiştirmege başladılar. Kefe yolundan başladılar, mında ukrain tilinde olğan «Trudove – Urojayne» işaretini «Trudovoye – Urojaynoye» soyuna deñiştirdiler.

Bunı öz Facebook saifesinde jurnalist Şevket Namatullayev bildirdi.

«Tedbirge cumhuriyet ve yerli memurlar kelip çıqtı – pekitilgen işaret tübüne beton ile birinci leskerni Vladimir Konstantinov attı. Onıñ sözlerine köre, yarımdada 4 biñge yaqın yol işaretlerini deñiştirecekler eken. Söz berdi – qırımtatar tilinde yazılğan yol işaretleri yalıñız qırımtatarlarnıñ toplu yaşağan yerlerde pekitilecek», – dep yazdı o.

Evel Qırım naqliyat «naziri» Vâçeslav Petuşenko yarımadada yol işaretleri Rusiye qanunına körip deñişecegi ve ukrain tilinde yazılğan işaretlerniñ qalacağı aqqında bildirgen edi.

İyün ayında Qırım «spikeri» Vladimir Konstantinov yarımadada ukrain ve ingliz tillerinde yazılğan yol işaretlerini deñiştirmege teklif etken edi. Bu teşebbüsni Qırım «Nazirler şurası»nda eyi alğışladılar.

XS
SM
MD
LG