Link açıqlığı

Uquq qorçalayıcılar: Aqmescitte «slav olmağan» insanlar kene de qamaçavğa oğradı


Cuma künü, noyabr 21-de, Aqmescitte Merkeziy çarşıda 15 insannı yaqaladılar.

Bunı İnsan aqları boyunca Qırım eyyeti öz Facebook saifesinde bildirdi.

«İnsan aqları boyunca Qırım eyyetine noyabr 21 künü Aqmescitte Merkeziy çarşıda belgisiz maskalı insanlarnıñ cinaiy areketleri aqqında haber keldi. 15 insan yaqalandı. Yalıñız «slav körünişi olmağan»larnı yaqalağanlar»,– deyler teşkilâtta.

Uquq qorçalayıcıları aytqanı kibi, insanlar özlerini tanıtmadı ve yaqalav sebeplerini de añlatmadılar.

«Yaqalanğanlarnı Rusiye Federatsiyası İçki işler Nazirliginiñ ekstremiz qarşılığı boyunca idaresine alıp kettiler. Nasıldır bir qabaat olarğa seslendirilmedi. Noyabr 21 künü saat 11:40-ta insanlar «E» merkezinde qalmaqtalar», – deyler teşkilâtta.

Evel, noyabr 60 künü, Aqmescit çarşısında aynı şu hususiyet boyunca daa 60 insannı yaqalağan ediler. Uquq qoruyıcılarnıñ aytqanı kibi, bazılarğa soñra Rusiyede bulunuv şartlarnıñ bozuluvı boyunca qabaatlar belgilendi.

Noyabr 18 künü silâlı insanlar «Divan» qırımtatar qavehanesine sürip kirdiler. Qavehaneniñ müdiri aytqanı kibi, mında qanunsız sürette köçip kelgenlerni qıdıra ekenler.

XS
SM
MD
LG