Link açıqlığı

Keriç parom keçitininiñ yük ve yolcu yolaqları alâ daa şiddetli ruzgâr sebebinden qapalıdır. Limanlarda olğan maşina nevbetlerinde endi 900-ge yaqın yengil ve yük maşinaları tura.

Bu aqta Yekâne naqliyat müdirliginiñ matbuat hızmeti bildire.

Müessiseniñ bergen malümatına köre, saba, noyabr 21-de, Keriç boğazı civarında yel suratı 20 m/s yete edi. Qırım gidrometeomerkezinde bu kibi ava şaraitleri daa bir qaç kün devamında saqlanılacagını bildireler.

«Şimdilik yük yolağında nevbette: Novovrossiysk limanında – 240 yük maşinası, Slavânskta – 161 maşina, Keriç balıq limanında – 297 yük maşinası tura. Yolcu yolağında: «Kavkaz» limananda – 200, «Krım» limanında –10 avto tura. Umumen keçken kün devamında 947 maşina ve 3678 yolcu avuştırıldı», – denile beyanatta.

Aydavcılarğa şimdi seferlerge çıqmamaq tevsiye eteler.

Keriç keçiti noyabr 21 keçer gecesi ava şaraitleri sebebinden işini toqtattı.

XS
SM
MD
LG