Ukraina Yuqarı Şurasınıñ reisi Оleksandr Turçinov yañı saylanğan parlamentniñ birinci toplaşuvınıñ şeklini ve deputatlarnıñ ant berüv ketişatını deñiştirmege teklif etti.
Turçinov yalıñız «Şarq temsilcisi – Yefim Zvâgilskiyni degil de, Ğarp temsilcisi – Yuriy Şüheviç ve qırımtatar halqınıñ temsilcisi – Mustafa Cemilevniñ» celp etilmesi mantıqiy bir şey olacağını tüşüne, haber ete zn.ua.
«Anayasa ve Ukraina Yuqarı Şura Reglamentine ters kelmey. Bundan da ğayrı, egеr de aynı şu üç deputat digerlerni antqa davet etseler, bu al ukrain halqınıñ birligini kösterir ve şu mesele üzerinde olğan nice suallerni yoq eter edi», – qayd etti Turçinov.
81 yaşında olğan Zvâgilskiy yañı saylanğan Yuqarı Şurada eñ yaşlı insan olıp, birinci toplaşuvnı açmaq kerektir.
Evel Ukraina baş nazir muavini Volodımır Groysman Ukraina Yuqarı Şurasınıñ birinci toplaşuvı dekabr 1 künü keçirile bilecegi aqqında bildirgen edi.
