Aqmescit akimiyetine Rusiye prezidenti Vladimir Putin «İtibarlı vatandaş» unvanını berip, Qırım paytahtınıñ bir soqağını onıñ adı ile adlandırmağa teklif eteler.
Bu kibi teşebbüs ile Aqmescit şeer başı Viktor Ageyevge Qırım zabitler Ligasınıñ perizidiumı ve onıñ başı İvan Jitnük buyurdılar.
Muracaat metnini Qırım.Aqiqat saytı aşkâr etile.
«Qırım zabitler ligasınıñ prezidiumı sizge ve bütün deputat korpusına nevbetteki toplaşuvda «Aqmescit şeeriniñ itibarlı vatandaşı» degen unvanınıñ Rusiye Federatsiyası prezidenti Vladimir Vladimiroviç Putinge berilmesi ve şeerniñ bir soqağını onıñ adı ile adlandırılması boyunca meseleni baqmağa teşebbüsi ile muracaat ete», – denile muracaatta.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
