Lvovda qırımtatarlarnıñ esas merasimleri ve ananeleri aydınlatılacaq lektsiyan keçirecekler.
Bunı Krım SOS teşkilâtı Qırım.Aqiqat saytına bildirdi.
Bu lektsiya Krım SOS ve Avropa Şurasınıñ Ukrainadaki ofisi teşebbüsinen keçirilgen «Qırımtatarlar kimlerdir» interaktiv lektsiyalarnıñ ekinci tedbiridir.
Lektsiyanı qırımtatar etnologiya uzmanı Ulviye Ablayeva keçirecek.
«Ulviye Ablayeva insan ayatında eñ müim merasimler – bala doğuvı, sunnet, toy ve cenaze – qırımtatarlarnıñ ananelerine köre keçirilgenini aydınlatacaq», – dep qayd eteler teşkilâtçılar.
«Qırım işğalinden soñ tahminen bir buçuq biñ qırımtatarı Lvov vilâyetine köçip keldi. Lektsiyalarnıñ maqsadı – Lvov sakinleri ve şeer musafirlerini qırımtatarlarnıñ medeniyeti, tarihı ve dininen tanış etmek ve medeniyetlerara dialog qurulmasına yardımcı olmaqtır», – dep qayd eteler teşkilâtçılar.
Lektsiya cumaertesi künü, noyabr 22-de, yerli vaqıtına köre saat 14:00, Kladoçnaya, 2A adresi boyunca İlk Lvov kütüphanesiniñ binasında keçirilecek. Er kes davetli.
