Link açıqlığı

Aqmescitteki «narazılıq meydanlarınıñ» topraqlarını FMH hadimleriniñ meskeni içün ayıra bileler


Aqmescitte Federal migratsion hızmeti, «politsiya» ve Fevqulâde vaziyetler nazirliginiñ hadimlerine topraq yetmey. Bu sebepten «narazılıq meydanlarını» boşatıp, andaki topraq damartılarını mezkür mesken içün ayırmağa teklif etildi.

Bu aqqında Aqmecit şeer reisi Viktor Ageyev «doğru ağ» devamında ayttı, dep haber ete şeer yolbaşçılığınıñ matbuat hızmeti.

«İlk evelâ şeerniñ inkişafı içün topraq yetmey. Er şey samozahvatlar altında. 360 gektar samozahvatlarğa ait», – dedi o.

«Aqmescitte bir çoq federal hızmetniñ temsilciligi yerleşe. Men FSB, politsiya, MÇS ve kendi hadimleri içün mesken qura bilecek diger teşkilâtlar aqqında aytam. Lâkin, maalesef, şeer olarğa mesken içün yer ayırıp olamay. Onıñ içün bugünki künde samozahvat topraqlarını mikrorayon qurucılığı ayırmaq meselei bar, çoq qatlı evlerniñ yanında bala bağçaları ve mektepler de qurulacaq», – dedi Ageyev.

Bundan ğayrı, onıñ bildirgenine köre, şeer yolbaşçılığı şeer sıñırlarını kenişletecek ola. Qırım «ükümeti» de buña qol tuttı.

Berilgen malümatqa köre, işğal etilgen Qırım akimiyeti «zapt etilgen» topraqnı ögrenip, 1452 gektarlıq 59 samozahvatnı qayd ettiler.

XS
SM
MD
LG