Qırımtatar Milliy Meclis reisiniñ muavini Nariman Celâlnıñ fikirince, Çeçenistandan kelip, yarımadada hızmet etecek askerlernen bağlı meseleni daa ziyade qabartmamaq kerek. Lâkin qırımtatar halqını «referendumdan» soñ çeçen askerlerinen qorquza ediler ve şimdilik de böyle bir qorqu bar.
Bu aqqında o Qırım.Aqiqat saytına bildirdi.
«Birisi eki halq arasında qavğa çıqaracaq olsa, boşuna oğraşa. Elbet de, semetdeşlerimniñ böyle bir qorqusı bar, bizni mart ayından berli çeçen askerlerinen qorquzalar. Bugünki künde bu qorqu saqlap qala, çünki Çeçenistan akimiyeti Rusiyeniñ şimdiki rejimine pek sadıq», – dedi Celâl.
O, şunı da qayd etti ki, qırımtatar halqı çeçen halqını olğan munasebeti arqadaşlıq ve ğayet sıcaqtır.
Sentâbr 19-da Rusiye mudafaa naziri Sergey Şoygu 1994 senesi kavkaz cumhuriyetinde olğan birinci cenkten soñ toqtatılğan askerlikke çağıruvnı ğayrıdan başlamağa qarar aldı.
Umumen Qırımda 400 çeçen askeri hızmet etecek. Olarnı Çeçenistan yolbaşçısı Ramzan Kadırov kendisi ozğarğan edi.
