Link açıqlığı

Uquq qoruyıcılar qırımtatar qavehanelerinde qanunsız migrantlarnı qıdıralar


Bu afta «Divan» qırımtatar qavehanesini ziyaret etken uquq qoruyıcılar qanunsız migrantlarnı qıdırğan ekenler.

Bunı qave saibi Timur Şabutov QHA agentligine bildirdi.

Onıñ aytqanına köre, vaqia üyle zamanında, qavehanede bayağı insan olğanda olıp keçti.

«Silâlı insan qavehanege kirip, pasport teşkerüvi olğanını ayttı ve er keske pasportnı köstermege rica etti», – dedi qavehane saibi.

Qavehane saibi reberini çağırmağa rica etti. Soñra onıñ yanına adiy urba kiymegen komandan yaqınlaşıp, terrorizm ve qanunsız migratsiya bölügini temsil etkenini bildirdi.

Qavehaneniñ yanına tahminen 10 arbiy keldi. Olardan dört kişi adiy urbada edi.

Şabutovnıñ aytqanına köre, soñra qavehane musafirlerini teşkerip başladılar. Başta qave hadimleriniñ pasportlarına baqtılar. Şahsiyetini aydınlatqan vesiqalar kösterilmegenine qadar qavehaneden bir kimseni çıqarmadılar, dedi qave saibi.

Böylece, Şabutovnıñ aytqanına köre, yanında vesiqaları olmağan eki ya da üç kişini Dekabristov soqağındaki estremizmge qarşı küreş idaresine alıp kettiler, lâkin birazdan olarnıñ vesiqalarını alıp keldiler ve olarnı yiberdiler.

Noyabr 18-dk silâlı arbiyler «Divan» qavehanesine keldiler. Bundan evel Aqmescitteki «Lokomotiv» bazarında arbiyler ses-şamata köterip, aman-aman 60 insannı yaqalağan ediler.

XS
SM
MD
LG