Link açıqlığı

Meclis Qırımdaki din binalarınıñ ateşke berilmesine Moskvanıñ cevabını bekley


Qırımtatar Milliy Meclisiniñ tışqı alâqalar bölük reberi Ali Hamzin «devlette er angi bir din binalarını ateşke berüv – belâ ve cemaatta ksenofobiya kibi hastalığınıñ işareti» olğanını qayd etti. O, Rusiye prezidenti Vladimir Putinniñ resmiy Moskvağa Qırımda soñki olğanlarnen bağlı berilgen malümatqa munasebetini ögrenmek istey.

Bunı o Qırım.Aqiqat saytına bildirdi.

Hamzinniñ fikirince, soñki adise-vaqialarnıñ sebebi Qırımnıñ bugünki akimiyetiniñ Qırımtatar Milliy Meclisi ile dialog bozulması oldı. Onıñ fikirince, bu da 2014 senesi mart 11-de Qırım parlamenti qabul etken «Qırımtatar halqı aq-uquqlarınıñ ğayrıdan tiklenmesi ve onıñ Qırım toplulığına bağlanması kefaleti aqqında» qararnı qabul ettikten soñra oldı.

«Ve şimdi bu vaziyette meni Moskvanıñ mevamı meraqlandıra, hususan Rusiye prezidentiniñ Qırım federal bölgesinde vekâletli temsilcisi Oleg Belaventsevniñ meraqlandıra. Belaventsev Rusiye yolbaşçısına kerçek malümat yetkizemi...», – dedi Hamzin.

Malüm olğanı kibi, noyabr 12-de gece belgisiz şahıslar Sudaq civarında Qoz qasabasında camini yaqmağa tırıştılar.

Qırımtatar Milliy Meclis reisi Refat Çubarov bunı «işğal akimiyetniñ bütün dünyanıñ qırımtatarlarğa qarşı repressiya ve basqını toqtatmaq talabına açıq bir cevabıdır».

Qırım Müftisi Emirali Ablayev akimiyetke muracaat etip, cinayetçilerni tapmağa ve cezalamağa çağırdı. Qırım musulmanları Diniy idaresi «cezasızlıq yañı cinayetlerge yol bergenini» qayd etti.

XS
SM
MD
LG