Link açıqlığı

Migratsion hızmet: ukrainliler biometrik pasport içün 15 euro ödeycekler


Yanvar 1-den itibaren berilecek biometrik pasportnıñ fiyatı 15 euronı teşkil etecek. Bunı Devlet migratsion hızmeti matbuat hızmetiniñ reberi Sergey Gunko bildirdi.

«Gromadske TV» çarşenbe künü, noyabr 19-da, bergen malümatına köre, biometrik pasport 20 kün içinde azır olmalı.

«Yanvar 1-den itibaren er bir vilâyette işke başlaycaq bölükler açılacaq, ve eñ yaqın vaqıtta bizler olarnıñ sayısını arttıracaqmız. Adam kelip, ariza yaza, foto çıqara, belli bir skanerge qol parmaqlarını basa ve oldı», – dep ayttı Devlet migratsion hızmeti matbuat hızmetiniñ reberi.

Sergey Gunkonıñ aytqanına köre, fiyattan eki qat ziyade para berilse, pasport yedi iş künü içinde azır olacaq.

Biometrik pasportnıñ alması mecburiy degil. Lâkin Avropa Birligi ile vizasız rejim yalıñız biometrik pasportlarnıñ saipleri içün başlaycaq.

XS
SM
MD
LG