Link açıqlığı

Saatnıñ esas haberi

Poroşenko köçip kelgenlerniñ aq-uquqları qanunını tam olaraq tanımayıp imzaladı


Ukraina prezidenti Petro Poroşenko
Ukraina prezidenti Petro Poroşenko

Ukraina prezidenti Yuqarı Rada oktâbr 20-de qabul etken «Memleket içinde köçip kelgen şahıslarnıñ aq-uquqları ve serbestligini temin etüv aqqında» qanunnı imzaladı. Bu aqqında Petro Poroşenko Donbasstan mecburen köçip kelgen adamlarnen keçirgen körüşüvde bildirdi, – dep haber ete çarşenbe künü, noyabr 19-da, devlet yolbaşçısınıñ matbuat hızmeti.

«Avropa soñki yılları bu sayıda köçip kelgen insanlarnı ve Ukraina rastkelgen problemlerni körmedi. Şübesiz, bizler er bir adamnıñ problemlerini çezecek yollarnı tapıp, bu qıyın vaqıtlarda yaşamaqnı qolaylaştırmaq kerekmiz», – dedi Ukraina prezidenti.

Prezidentniñ aytqanına köre, işbu qanun adamlarnı ayırımdan ve mecburen keri qaytuvdan qoruycaq.

O, şunı da qayd etti ki, qanun köçip kelgen 465 biñ insan içün ğayet müimdir.

Devlet yolbaşçısınıñ bildirgenine köre, qanun tam degil ve daa baqılmaq kerek. O, bu meseleni baş nazir ile muzakere etip, yañı Yuqarı Rada çalışıp başlağan soñ qanunğa deñişmeler kirsetilecek, dep añlaştı.

Prezident qanunnı azırlağan er keske teşekkür bildirip, onı tüzetmege çağırdı.

Aynı vaqıtta, prezidentniñ Donetsk ve Lugansk vilâyetlerinde vaziyetni al etüvden vekâletlisi İrina Geraşçenko işğal etilgen territoriyalar içün mahsus informatsion siyaset azırlamasınıñ müimligini qayd etti.

Malüm olğanı kibi, İçtimaiy siyaset nazirliginiñ malümatına köre, Ukrainada köçip kelgen insanlarnıñ sayısı 466 biñ insannı teşkil etti.

XS
SM
MD
LG