İşğal etilgen Qırımda yılbaş narat ve çam qıtlığı beklenile. Bu sene yarımadanıñ orman hocalığı Yañı yılğa qadar 10 biñ terekni azırlap olur. Bunı noyabr 19-da Aqmescitte matbuat konferentsiyası devamında Qırımnıñ orman ve av hocalığı boyunca «Devlet komitetiniñ» reisi Vasiliy Çebanov bildirdi, – dep haber ete «Krım 24».
Onıñ sözlerine köre, terekler çarşığa seneniñ soñunda yapılğan sanitar yaravı neticesinde ketirile. Bunıñ ile qırım terekleri er vaqıt yetişmey edi, em de olar, qıtadan ketirilgen tereklerge köre, daima paalıca çıqa edi.
«Şimdi bu mesele boyunca malümat yoq. Amma ticaret boş alannı qapatmalı, körermiz»,– dedi komitet reisi.
Vasiliy Çebanov şunı da ayttı ki, keçken sene orman hocalığı tahminen 6,5 biñ naratnı sattı eken, çünki paalı olğanı sebebinden olarnı az satın ala ediler.
