Link açıqlığı

İşğal etilgen Qırım «Aqmescit» ava limanında antiukrain edebiyatnıñ satıluvı açıldı. Bunı çarşenbe künü, noyabr 19-da, QMC uquq qorçalayıcılarnıñ mobil taqımı öz Facebook saifesinde bildirdi.

«Rusiye teşviqatı Aqmescit ava limanında musafirlerni antiukrain edebiyatnıñ çeşitligi ile qarşılay. Meraqlısı şu ki, er şeyni endi yazıp, biñlerce kitapnı neşir etmege yetiştirdiler. Kerçekten, yaş qırımlılarğа işğalcilerniñ areketleri ve Ukraina siyaseti tarafından qırımlılarğa «vekil olmağanlar»ğa kibi olğan munasebeti şaraitlerinde aqıl-fikirli qalmağa ne derecede qıyın olğanını tüşünmek bile qorqunçlıdır», – deyler uquq qorçalaycılar.

Zemaneviy Rusiyede Qırım tarihı boyunca ilk ilmiy monografiya noyabr 19 künü taqdim etildi. TASS bildirgeni kibi, 450 saifeli iş «yarımadanıñ qadimiy devirlerden bugünge qadar tarihını qaplap ala».

«Ukrainada olğan tarih kitaplarını ögrenip, şaşıp qaldıq. Qırımnıñ normal professional tarihını yazmaq içün ihtiyac peyda oldı», – dedi Rusiye arbiy-tarihiy cemiyetiniñ reisi, Rusiye medeniyet naziri Vladimir Medinskiy.

Evel Qırım.Aqiqat yazğаnı kibi, işğal etilgen Qırımda ukrain edebiyatını yoq eteler. «Pervasız qalma!» Bütünukrain cemiyet teşkilâtınıñ icra müdiri Oksana Levkova añlatqanı kibi, faaller bir qaç kere ukrain kitaplarnı qurtarıp, qıtaiy Ukrainağa yollamağa mecbur ediler.

XS
SM
MD
LG