Ukrainada köçip kelgenlerniñ umumiy sayısı tahminen 466 biñni teşkil ete. Bunı çarşenbe künü, noyabr 19-da, içtimaiy siyaset naziriniñ birinci muavini Vitaliy Müşçinin bildirdi, – dep haber ete Azatlıq Radiosı.
Onıñ sözlerine köre, esapqa 212 biñ insan alındı, olardan tahminen 20 biñ Kiyevde buluna.
Aynı zamanda, Ukrainada qaçaqlarnıñ işleri boyunca BMT Yuqarı komissarınıñ İdaresi vekiliniñ malümatına köre, okâtbr 30-na Ukrainada 442 biñ 219 köçip kelgen insan qayd etilgen eken.
Evel ükümet köçip kelgen şahıslar içün maliye destek miqdarını belgilegen edi: bir qorantağa ayda 2400 grn, işlemegen şahısqa – 884 grn, işlegen insanlarğa – 442 grn berilmek kerek.
