İşğal etilgen Keriçte şahsiy notariusnıñ bir qaç ay devamında qapalı turğan iş binası yerli vandallarnıñ ellerinden zarar kördi. Foto ile paylaşqan yerli sakin Qırım.Aqiqat saytına аñlatqanı kibi, bina saibi Qırım işğalinden soñ qıtaiy Ukrainağa köçti eken.
Notariusnıñ Ukraina tarafdarı olğanı bu vandalizmniñ sebebidir, ğaliba: belgisiz şasıhlar camlаrni qırıp, binanıñ ögünde antiukrain, şu cümleden «Ukrı, Qırımdan def oluñız» kibi yazılarını qaldırdılar.
Şunı da qayd etmek kerek ki, bina şeerniñ merkezinde, Karl Marks soqağında yerleşe, onıñ yanında quyum, kompyuter tükânları ve qomşu soqaqta «politsiya» şeer iderasi buluna. Amma işbu areketke iç bir kimse seslenmedi.
2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
