Link açıqlığı

Turkish Airlines Herson-İstanbul seferiniñ yolcuları içün Qırımdan sıñır nezaretini qolaylaştırmağa teklif ete


Herson vilâyetinde Turkish Airlines aviaşirketi temsilciliginiñ müdiri Yakup Gül Herson vilâyeti ve Qırım arasında memuriy sıñırdaki nezaret-kiriş noqtalarında İstanbulğa «Herson» ava limanından biletleri olğan yolcular içün nezaret ketişatını qolaylaştırmağa teklif ete.

Bu aqta Herson vilâyet memuriyetiniñ saytında aytıla.

«Böyle al Qırım yolcularınıñ sayısını arttırmağa imkân berir», – dedi Gül Herson vilâyet devlet memuriyetiniñ reis keñeşçisi Ruslan Pançişin ile körüşüvde.

Körüşüvde şunı da qayd ettiler ki, şimdi Herson-İstanbul seferine Kirovograd ve Nikolayevden yolcularnıñ celp etilmesi boyunca faal iş ketmekte eken.

Qırım işğalinden evel Turkish Airlines avia şirketi Aqmescit-İstanbul marşrutı boyunca seferlerni keçire edi. Amma 2014 senesi okâtbr 15-den Herson-İstanbul seferini açtı. Seferler aftada dört kere yapıla: çarşenbe, cuma, cumaertesi ve bazar künleri.

XS
SM
MD
LG