Link açıqlığı

Saatnıñ esas haberi

İşğal etilgen Yaltada şeer memuriyeti başını tayinlediler


Yaltada şeer şurası nevbetteki toplaşuvında deputatlar Yalta memuriyetiniñ yañı başını sayladılar. Saylav neticesinde, Yalta deputatları bundan evel Yalta şeer memuriyetiniñ başı vazifelerini eda etken Andrey Rostenkoğa qol tuttılar, dep haber ete Qırım.Aqiqat mühbiri.

Andrey Rostenkodan ğayrı, Yalta memuriyetiniñ başı vazifesine Konstantin Şimanovskiyniñ namzetligi de kösterilgen edi, amma işbu vazifeniñ vaqtınca eda etilmesi ile bağlı yarışta o – 58, Rostenko ise – 79 ball qazandı.

Yarış neticelerini Yalta deputatlarına yarış komissiyasınıñ reisi, Qırım «baş nazir muavini» Nikolay Yanaki seslendirdi.

Andrey Rostenko deputatlarğa minnetdarlığını bildirdi ve Yaltanı nümüneviy belediye teşkilâtlandıruvğa çevirmek içün elinden kelecegini yapmağa söz berdi.

Bunıñ ile Konstantin Şimanov aqqında ğayet eyi sözlerni aytıp, şeer memuriyetinde onıñ tecribesine lâyıq olğan bir vazifeni tapmağa vade etti.

Jurnalistlerniñ Yalta şeer memuriyetiniñ hadimleri erkânında nasıldır bir deñişüvler olacaqmı, degen suallerine «olacaq, amma şahıslarnı qayd etip, bu aqta muayyen bir şekilde aytmağa daa erte» olğanını bildirdi.

XS
SM
MD
LG