Link açıqlığı

Saatnıñ esas haberi

Qırımda kamuflâjlı insanlar Ukraina halq deputatınıñ ofisini zapt ettiler


Çarşenbe künü, noyabr 19-da, yerli vaqıt boyunca tahminen saat 10-da, kamuflâjlı belgisiz insanlar Aqmescitte Puşkin soqağında yerleşken binağa sürip kirdiler. Mında Ukraina halq deputatı Andriy Sençenkonıñ («Batkіvşçina» firqası) iş odası ve çeşit ofisler yerleşe.

Qırım.Aqiqat mühbirine binada yerleşken şirketlerniñ birisinde adliyeci olğan Yuliya Magerâ añlatqanı kibi, sekiz belgisiz şahıslar özlerini tanıtmadılar.

«Olarda Qırım nazirler şurasınıñ avalesi bar olğanını ayttılar. Oña köre, olar Puşkin soqağı 11-A adresi boyunca yerleşken binanı milliyleştirmek kerekler. Başqa adres olğanını añlatmağa tırıştıq. Bu bina: Puşkin soqağı 11 adresi boyunca yerleşe»,– dedi adliyeci.

Onıñ sözlerine köre, binada bulunğan hadimler içeri belgisiz insanlarnı kirsetmege istemediler. Ofis hadimleriniñ tahminlerine köre, bular «halq imayesi» vekilelri edi, iç bir şeyge baqmayıp, kiriş qapularnı qırıp, binağa kirdiler.

Ofis hadimleri uquq qoruyıcı organlarnıñ temsilсilerini çağırdılar.

«Politsiya vaqia yüz bergen yerde arizanı qabul etmege razı olmadı. Çağırılğan acele seslenüv taqımı bir şey yapmadı. Keldi, turdı, baqtılar. Mında dögüş olmaması içün bulunğanlarını añlattılar», – dep tariff etti Qırım.Aqiqatqa vaqia şaatı.

Al-azırda «halq imayesi» vekilleri binanıñ içine kimseni kirsetmeyler. Olayatqan adiselerni çıqarmağa istegen jurnalistlerge böyle imkân bermeyler.

«Belgisiz insanlarnıñ areketleri sebebinden iş ketişatı bozuldı, hadimler binanı terk ettiler, binada olarnıñ şahsiy şeyleri qaldı»,– dedi Magerâ.

Şimdi qadın arizanı yazmaq içün «politsiya» merkeziy rayon bölüginde buluna.

Hatırlatamız, sentâbr başında Qırım «Devlet şurası» yarımadada bulunğan mülkniñ milliyleştirüvi aqqında qarar aldı. İşbu cedvelge Andriy Sençenko, ukrain iş adamı, Dnepropetrovsk vilâyet devlet memuriyetiniñ başı İgor Kolomoyskiyge ait olğan binalar da kirdi.

XS
SM
MD
LG