Link açıqlığı

Saatnıñ esas haberi

Kiyevde Qırımdan köçip kelgenlerge BMT maliye yardımını teklif eteler


Qaçaqlarnıñ işleri boyunca BMT Yuqarı Komissarı İdaresiniñ teşebbüsi ile Kiyev şeer devlet memuriyeti tarafından Qırım, Lugansk ve Donetsk vilâyetlerinden köçip kelgenler içün maliyе destek leyhası amelge keçirile.

Bunı Qırım diasporası cemaat teşkilâtında bildireler.

Teşkilâtnıñ beyanatında bir kerelik maliye yardım üç ve ziyade balanı terbiyelegen ailelerge, saqatlar olğan qorantalarğa ve balalarnı yalıñız baqqan ana-babalarğa berilecegi aqqında bildirile.

Leyha 2014 senesi dekabr 8-ne qadar sürecek.

İşbu maliye yardımnı elde etmek içün köçip kelgenler Kiyevde emek ve içtimay qoruv rayon idarelerine muracaat etmeliler.

Para töleviniñ tayin etilmesi aqqında qararnı Qaçaqlarnıñ işleri bonca BMT Yuqarı Komissarı İdaresiniñ regional temsilciligi qabul ete.

Fevqulâde vaziyetler boyunca Ukraina Devlet hızmetiniñ malümatına köre, Ukrainada Qırım Muhtar Cumhuriyeti ve Aqyar şeerinden kelgen insanlarnıñ sayısı – 19 325 insan, Donbasstan – 445 840 insannı teşkil ete

XS
SM
MD
LG