Link açıqlığı

«Qırım» Fondu» hayriye teşkilâtınıñ mülkiyeti, şu cümleden, Aqmescit merkezinde Qırımtatar Milliy Meclisi bulanğan binasını da, açıq mezattan satacaq olalar. Bu kibi malümat Medeniy asabalıq qoruvı boyunca Qırım «Devlet komiteti»niñ «Qırım» Fondu» hayriye teşkilâtına olğan davasında bardır.

Bunı jurnalistlerge acliyeci Cemil Temişev bildirdi.

«Protsessual raqibimiz davasını Hocalıq mahkemesine berdi. Dava talapları böyledir – «Qırım» Fondı»ndan işbu binanı tutıp almaq ve ileride onı mezattan satmaq», – dep añlattı Temişev.

Fonddan binannıñ tutıp alınuvı boyunca Hocalıq mahkemesi toplaşuvınıñ keçirilüv tarihı aftanıñ soñunda belli olacaq.

Adliyeciniñ malümatına köre, şimdi Fond ve yolbaşçılığı etrafında olğan mahkeme davaları – «teşkilâtnı sıqmaq, soñra ise qapatmaq» ıntıluvıdır.

Noyabr 18 künü Aqmescitte mahkeme toplaşuvı keçirildi. Mında «Qırım» Fondı» hayriye teşkilâtnıñ başı Riza Şevkiyevge 350 biñ ruble, Fondğa ise – 4,5 million ruble miqdarında para cezasını belgilediler.

Bundan evel Fond binasında tintüv ve onıñ qapatıluvı yüz bergen edi. Teşkilâtnıñ yolbaşçılığı mahkeme qararlarına itiraz bildirmek ve halqara mahkemelerge muracaat etmege planlaştıra.

XS
SM
MD
LG