Rusiye ükümeti «Rusiyede grajdanlıq ve iş silâsı ve oña köre patronlarnı qullanuv qaidelerini» deñiştirip, belli bir vesiqası olğan Rusiye vatandaşlarına yanında silâ taşımağa izin berdi. UNİAN agentligi noyabr 18-de bergen malümatlarğa köre, eskiden rusiyelilerniñ silâ qullanuv qaideleri yanında silâ taşımasına yalıñız av, sport yarışları, idman ve talimlerde ruhset bere edi.
Bunıñ episi vesiqanıñ yañı metninde de bar, lâkin «kendini qorumaq içün» ibaresi de qoşuldı.
2014 senesi fevral soñunda mart başında Rusiye ve Rusiyeniñ Qara deñiz flotunda olğan askerler Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalar kirsetti. Ğarp Qırım Ukrainağa bağlı olğanını tekrarlamağa devam ete.
