Rusiye prezidenti «mayıs emirleriniñ» talaplarına baqmadan, ekimler ve ocalarnıñ aylığını arttırmaycaqlar. 2015 senesiniñ federal bücetinde ükümet bücette çalışqan adamlarnıñ aylıqlarına belgilegen paranı bayağı eksiltti, dep yaza Kommersant.
Rusiye Esap palatasınıñ malümatına köre, 2014 senesi olarnıñ miqdarı 120 milliard rubleni teşkil etti. 2015 senesiniñ bücet leyhasında buña yalıñız 80 milliard belgilengen.
Rusiye prezidenti Vladimir Putinniñ «mayıs emirlerine» binaen, 2012 senesinden itibaren ocalarnıñ aylığı regionda orta olmalı, 2018 senesi ise medeniyet hadimleri ve ocalarnıñ, ekim ve ilmiy hadimleriniñ aylığı regiondaki orta aylıqtan eki qat ziyade olmalı.
Zdorovye» fondu keçirgen monitoring neticelerine köre, regionlarnıñ çoqusında ekim ve emşireler 20 biñ ruble bile almaylar.
Ekim ve ocalar narazılıq aktsiyalarğa çıqacaq olalar.
Böylece, noyabr 30-da Moskvada sağlıq saqlav ve tasil saalarında islâatlar keçirilmesine qarşı eki yürüş ve mitingler planlaştırılğan.
