Yañı parlamentniñ eñ müim vazifelerinden biri Ukraina etnik milliy siyaset esasları aqqında qanunnıñ qabul etilmesi olmalı.
Bunı Petro Poroşenkonıñ Bloku cedvelleri boyunca Radağa keçken qırımtatarlarnıñ lideri Mustafa Cemilev Qırım.Aqiqat saytına bildirdi.
«Qanunnıñ qayd etilgen leyhası artıq bar, lâkin komitet toplaşuvında tüzetilecek bir çoq yerni taptılar. Çalışmaq kerek. Bu pek müimdir, çünki tamır halqlar ve milliy azlıqlarnı belgileycek esaslar olmalı», – dep qayd etti Cemilev.
Onıñ fikirince, mekzür qanun evelden peyda olsa edi, Qırımdaki vaziyet de bam-başqa olur edi.
2014 senesiniñ soñuna qadar Qırım territoriyası zurinden devlet suverenitetiniñ ğayrıdan tiklenmesi içün bir sıra qanun deñişlemeri teklif etilecek.
Böyle bir vade Petro Poroşenkonıñ Bloku aydınlatqan koalitsiya añlaşmasında mevcut. Vesiqa 10 maddeden ibaret. Mında akimiyetniñ Qırımnı keri qaytaruv, yarımada sakinleri ve köçip kelgenlerniñ aqlarını qaytaruv bar.
