İşğal etilgen Yaltada «politsiya» yerli sakinlerniñ maşinasında afyon ile 100-den ziyade torbaçıqnı taptı. Bunı bazarertesi künü noyabr 17-de qırım «politsiya»nıñ matbuat hızmeti bildirdi.
«Maşinanıñ uquq qorçalayıcılar tarafından baqılmasından soñra nebatiy madde ile 100-den ziyade torbaçıq tapıldı. Olğan malümatqa köre, bular 28 yaşında olğan yerli sakinge ve onıñ tanışına aittir. Keçirilgen ekspertiza neticelerine köre, torbaçıqlarnıñ içinde havflı afyon bar eken», – denile beyanatta.
Bu sebepten Rusiye cinaiy kodeksiniñ 228 maddesine köre cinayi iş açıldı.
