Link açıqlığı

Aqmescitte bir erkek sport urbanı hırsızlamağa areket etti


İşğal etilgen Qırımda yerli «politsiya» sport kiyim tükânından hırsızlıqnıñ ögüni alıp oldılar. Bunı bazarertesi künü, noyabr 17-de, müessiseniñ matbuat hızmeti bildirdi.

Erkek mıqnatis belgіçiklerni qoparıp, urbanı tükândan çıqarmağa tırıştı.

«Qırım Cumhuriyeti boyunca İçki işler nazirliginiñ müessiseden tış qoruv idaresiniñ bölügi Aqmescitte sport tükânlarnıñ birisinde telüke düdügi çalğanı aqqında haber aldı. Müşteri miqyatis belgiçiklerni qopardı ve aqça ödemeyip, tükândan 9000 rublege urbanı çıqarmağa tırıştı. Vatandaşnıñ qanunsız areketlerini tükân hadimleri videonezaret kamerasında kördiler», – deyler qırım «politsiya» matbuat hızmetinde.

Adam politsiya hadimleri tarafından yaqalanıldı ve «Merkeziy» №3 politsiya bölügine ketirildi. İnsan Rusiye Federatsiyası ile sıñırdaş olğan bir devletniñ 29 yaşındaki vatandaşı eken.

Hırsızlanılğan mülkni tutıp aldılar ve tükân memuriyetine qaytardılar. Şimdi Rusiye Federatsiyası Cinaiy kodeksiniñ 158-nci maddesine köre cinaiy işniñ açılması muzakere etile.

XS
SM
MD
LG