Keriç keçitiniñ yük yolaqlarında nevbette 300-den ziyade maşina tura. Saba, noyabr 17 künü, Novorossiysk limanında 140, Slavânskta – 108 maşina, Keriç deñiz ticariy limanında – 75 yük maşinası tura edi.
Bunı Yekâne naqliyat müdirliginiñ matbuat hızmeti bildire.
Müessiseniñ malümatına köre, «Kavkaz» ve «Krım» limanlarında nevbet yoq eken.
«Al-azırda Keriç limanında ava güzel, yel suratı – 7 m/s. Dört esas parom yüre – «Glükofilousa», «Krım», «İonas» ve «Olimpiada». «Yeysk» ve «Kerçenskiy 2» paromları «Kavkaz» – Keriç balıq deñiz limanı arasında yüre», – deyler müdirlikte.
Umumen, keçken kün devamında 6771 yolcu ve 1686 naqliyat vastası avuştırıldı.
Noyabr 15 künü Keriç keçiti tuman sebebinden aqşamğa qadar qapatılğan edi.
