Link açıqlığı

İşğal etilgen Aqmescitte Seit-Settar camisinde rekonstruktsiya işleri keçirilecek. Bu aqta Qırım musulmanları diniy idaresiniñ resmiy saytında söz kete.

Müftiyatta şunı da qayd ettler ki, noyabr 14 künü camide soñ cuma namazı keçti.

İleride cami territoriyasında bütün qurulğan binaçıqlar devirilecek. Leyhağa köre, caminiñ tamir işleri, medrese, memuriy korpuslarnıñ qurucılığı planlaştırıla.

Qırım musulmanları diniy idaresi Seit-Settar camisine kelgen müminlerge diger camilerni ziyaret etmege teklif ile buyurdı, çünki tamir işleriniñ keçirilgeni vaqıtta namazlar bu yerde keçmeycek

QMDİ matbuat hızmeti bergen malümatına köre, tamir işleri tahminen bir yıl devamında keçirileсеk.

XS
SM
MD
LG