G20 sammitinde Kanada baş naziri Stiven Harper Rusiye prezidenti Vladimir Putin ile qol tutuşıp, Ukrainanı raat qaldırmağa tevsiye etti.
Bunı cumaertesi künü, noyabr 15-de, baş nazirniñ matbuat kâtibi Jason MakDonaldniñ sözlerine esaslanıp malümatnı bergen Bloomberg neşirine tayanıp, «Ukrainskaya pravda» bildire.
«Qoluñıznı sıqmaq kerekim, dep tüşünem, amma sizge tek şunı ayta bilem: Ukrainanı raat qaldırıñız», – dedi Stiven Harper.
«Putiniñ cevabı müsbet degil edi. Russiye eyyeti de izaat bermedi», – dep haber ete neşir.
Evel Kanadada Rusiyege, ordularınıñ Ukrainadan çıqmağanına qadar basım etmege azırlığı aqqında bildire ediler.
Belli olğanı kibi, Avstraliya sammitinde Avropa şurası reisi German van Rompuy Avropa birligi Ukrainada vaziyetniñ siyasiy çezilmesine irişmek içün areketini devam etecegi aqqında aytqan edi.
