Link açıqlığı

Qırımda kurort mevsimi yarımadağa 83 milliard rublelik kâr ketirgenini bildireler


Kefe plâjı, 2014 senesi, iyün 20

İşğal etilgen Qırım kurort mevsimi devamında 83 mlrd. ruble qazandı. Böyle raqamlarnı cumhuriyetniñ kurort «naziriniñ» birinci muavini İgor Kotlâr seslendirdi, – dep haber ete Qırımnıñ öz başına ilân etilgen ükümet «ruporı» Krıminform saytı.

Onıñ bildirgenine köre, şifahane-kurort müessiselerinden 1,09 mlrd. rub. miqdarında kelgen bergi saanıñ bütün kelirlerini aks ettirmey.

Qırımğa kelgen er bir turistniñ masrafları tahminen 25 biñ rubleni teşkil etken eken, böylece, «nazirlik» kurort mevsiminiñ umumiy kârını saydı.

«Biz sayıp çıqtıq, bu raqam 83 mlrd. rub. civarında oldı. Eger kurort mevsiminiñ bütün kelirlerini esaplaycaq olsaq», – dep qayd etti Kotlâr.

2013 senesine nisbeten bergiler 25% eksildi. Turistik bergisi ise 65,8% 11,1 mln. rublege qadar azlaştı.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG