Link açıqlığı

Saatnıñ esas haberi

Rusiye Qırımnıñ İçki rayonındaki yollar tamirine 7 million sarf etecek


İşğal etilgen Qırımnıñ İçki rayonı baş yollarnıñ tamir işlerine 7 million ruble aldı. Bunı İçki rayon «memuriyetiniñ yolbaşçısı» vazifelerini eda etken Vladimir Tregub cuma künü, noyabr 14-te, bildirdi, – dep haber ete Qırımnıñ öz başına ilân etilgen ükümet «ruporı» Krıminform saytı.

Onıñ bildirgenine köre, rayondaki ekinci seviyeli yollar da tamir etile.

Malüm ki, işğal etilgen Aqyar ükümeti şeer yollarına qıymet kesmek içün çoq millionlı añlaşma tizecek ola. Yollarnı teşkerecek Sankt-Peterburgda qayd etilgen OOO «Avtodor» şirketi şeer bücetinden 30 mln. rub alacaq.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG