Ukraina topraq resursları Devlet agentliginiñ qabarcılıqqa qarşı küreş yolbaşçısı vazifelerini Qırım topraq cumhuriyet komitetiniñ sabıq reisi Aleksandr Çabanov eda ete.
Onıñ Qırım topraq cumhuriyet komitetinde işi baş nazir vazifesinde Vasiliy Cartı olğanda başlağan edi ve Qırım işğalinden soñ Anatoliy Mogilev ve onıñ ükümetinen beraber bitti, dep yaza Delo.
Neşirniñ malümatına köre, Çabanovnıñ tercimeyialında bir çoq meraqlı maddeler mevcut. Meselâ, onı devlet mülkini elge keçirüv, bulunğan vazifeden tış areketler içün altı yılğa qadar azatlıqtan marum etüv ve mal-mülkini musadere etüvdir, soñra Çabanov vatandaşlığı deñiştirdi (Rusiye vatandaşlığından Ukraina vatandaşlığına) ve soyadını da deñiştirgen edi (Pisarenko soyadından apayınıñ soyadına), bundan ğayrı aliy tasili de bir çoq şübe doğura.
Onıñ firqa hazinesinde – «Narodnıy soyuz «Naşa Ukraina» firqasınıñ yerli reberligi, Qırımda «Naşa Ukraina» reberi Vladimir Şklârnıñ muavini vazifesi, em de, tabiiy ki, Makeyevka ve Donetskten kelgen «regionlılarnen» sadıq bir sevgi ve dostluqtır.
Malüm olğanı kibi, qabarcılıqta şeklengen Aqyar memurı Oleg Kujman Dnepropetrovsk vilâyet devlet memuriyetinde işke başladı.
