Aqmescitteki Merkeziy bazar rayonında maşinalar içün yerastı duraqnı qurmağa planlaştıralar.
Bunı «Aqmescit şeer şurasınıñ» reisi Viktor Ageyev bildirdi.
Onıñ aytqanına köre, bu şeer akimiyetiniñ eñ müim vazifelerinden biri ola, dep haber ete şeer şurasınıñ matbuat merkezi.
«Böyle etip soqaqların boşatacaq olamız. Anda birinci qat olacaq – şimdi bazar civarında ticaretnen oğraşqan satıcılar içün alışveriş noqtaları açılacaq», – dep qayd etti o.
Ageyevniñ aytqanına köre, akimiyeti yerastı maşina durağı içün yer belgiledi. «Biz onı «Lokomotiv» stadionı ve Merkeziy bazar arasında meydanda quracaqmız. Biz bunı yer astında yapacaq olamız», – dedi Ageyev.
Akimiyet Merkeziy bazar ögündeki meydannı bütünley boşatacaq ola. Qırım «yolbaşçısı» Sergey Aksönovnıñ avalesi ile andaki bütün inşaatlar yıqtırılacaq.
