Qırımda rusça yazılğan 4 biñ yañı yol işaretini tikleycekler. Bunı Qırım «Devlet şurasınıñ» reisi Vladimir Konstantinov bildirdi.
Böylece, ukrainca ve inglizce yazılğan yol işaretleriniñ yerine yazısı rusça olğan yol işaretleri tiklenilecek.
Konstantinovnıñ matbuat hızmetinde bildirdiler ki, şimdilik yalıñız rusça olmağan yol işaretleri aqqında söz yürsetile, lâkin ileride yol işaretleriniñ Rusiye standartlarına köre tiklenmesi planlaştırıla, dep yaza Krım Media.
İşaretlerni deñiştirüv tedbirlerini noyabr 21-ne qadar yekünlenecek.
Hatırlatamız, oktâbr ayında Qırım naqliyat «naziriniñ» muavini Vâçeslav Petuşenko Qırımdaki yol işaretleri Rusiye standartlarına köre tiklenilmek kerekligini aytıp, ukrainca yazılğan yol işaretler qalacağını qayd etken edi.
