Link açıqlığı

Lvovda qırımtatarlar aqqında açıq lektsiyalar keçirilecek


«Krım SOS» cemaat teşebbüsi ve Ukrainada Avropa Şurasınıñ Ofisi Lvovda «Qırımtatarlar kimlerdir?» interaktiv lektsiyalarını teşkil eteler. Bu aqqında Qırım.Aqiqat saytında olğan teşkilât mektübinde aytıla.

«Qırım işğalinden soñra bir buçuq biñden ziyade qırımtatarı Lvov vilâyetine köçip keldi. Lektsiya maqsadı – Lvov sakinleri ve şeer musafirlerini qırımtatarlarınıñ medeniyeti, tarihı ve dininen tanış etmek, medeniyetlerara dialogğa temel qoymaqtır», – aytıla beyanatta.

Birinci lektsiyanı belli qırımtatar tarihçısı, Ukrain PEN-klub azası Gülnara Bekirova keçirecek. Onıñ mevzusı «Qırımtatar milliy areketi: kendi aqları içün küreş» olacaq. Gülnara Bekirova qırımtatarlarnıñ sürgünlik yerlerinde sovet sistemasına qarşı küreşken eñ küçlü barışıq areketlerinden birini meydanğa ketirgenleri aqqında tarif etecek. Lektsiya salı künü, noyabr 18-de, saat 18-30 Kladoçnaya, 2A adresi boyunca yerleşken İlk Lvov kütüphanesiniñ binasında keçirilecek.

Lektsiyalarınnı teşkilâtçıları «Krım SOS» cemaat teşebbüsi ve Ukrainada Lvov şeer şurası Medeniyet idaresiniñ qol tutuvı ile Avropa Şurasınıñ ofisi, İlk Lvov kütüphanesi, MO «Dziga», «E-97» ve «Uliçnıy universitet» teşebbüsleri oldılar.

XS
SM
MD
LG