İşğal etilgen Qırımğa sürgün etilgen 10 biñ alman qayta bile.
Bunı ATR telekanalınıñ efirinde Qırım almanlarınıñ cumhuriyet cemiyetiniñ reisi, «Devlet şurası» deputatı Yuriy Gempel bildirdi.
Onıñ sözlerine köre, prezidentniñ sürgün etilgen halqlarnıñ aqlavı boyunca avalesi çıqqаnınen, cemiyetke repressiyalarğa oğrağan almanlarnıñ ailelerinden mektüpler kelip başladı. Umumen, tahminen 1200 aileden mektüp keldi, olardan 400-den ziyadesi şimdi Almaniyada yaşay.
Gempel qayd etkeni kibi, bugün Qırım, onıñ fikrine köre, işbu meseleni çezip olamay, amma sürgün etilgen nemselerniñ aileleri insanlarğa vatanğa qaytmağa imkân berecek avaleniñ amelge keçirilüvini ep bekleyler.
«Menimce, insanlar qaytıp başlasa, tarihiy adaletlik üstün çıqar edi»,– dedi Gempel.
Alman toplulığınıñ başı qırım nemselerniñ 30-35% sürgünlikte elâk olğanı aqqında da haber etti.
Hatırlatamız, Almaniya yolbaşçılığı Rusiye tarafından işğal etilgen Qırımda yaşağan alman qavmiy azlıqqa yardım etmesini toqtattı.
