Link açıqlığı

Ukraina sağlıq saqlav nazirligi: Qırım ve Donbasstan köçip kelgenlerniñ sayısı 461 biñden ziyade oldı


Ukrainada şarqiy vilâyetler ve Qırım Muhtar Cumhuriyetinden memleket içinde köçip kelgen 461 biñ kişi qayd etildi, olardan – 127 biñden ziyade baladır. Bu aqqında sağlıq saqlav nazir muavini Alena Tereşçenko cumaaqşamı künü, noyabr 13-te, brifingde bildirdi, – dep haber ete UNİAN.

Tereşçenkonıñ qayd etkenine köre, sağlıq saqlav müessiselerinde 115 biñ kişi tibbiy teşkerüvden keçti. Böylece, köçip kelgenlerniñ 25% hastahanelerde tibbiy teşkerüv keçirilmesini istedi.

Bunıñnen beraber, memleket içinde köçip kelgen insanlarnıñ 1743 balası dünyağa keldi.

Malüm olğanı kibi, Kiyev şeer devlet memuriyetiniñ tasil ve ilim, gençlik ve sport departamentiniñ malümatına köre, Kiyevniñ oquv yurtlarında Qırım ve Ukrainanıñ şarqiy vilâyetlerinden kelgen 10 biñden ziyade talebe oquy.

XS
SM
MD
LG