Link açıqlığı

Qırım öz başına ilân etilgen Donetsk ve Lugansk halq cumhuriyetleri ile parlament kontaktlarını pekitecek ola. Bunı «Qırım Cumhuriyeti devlet şurasınıñ» reisi Vladimir Konstantinov jurnalistlerge bildirdi, dep haber ete Krım Media.

Onıñ aytqanına köre, «DNR» ve «LNR» akimiyet organlarını şekillendirse, işbirlik qurulacaq.

Konstantinovnıñ qayd etkenine köre, Qırım, «DNR» ve «LNR» arasında bağlar «şahsiy seviyede» inkişaf etmege devam etecek.

«Bizler adamlarğa yardım etecekmiz ve olarğa qol tutacaqmız. Bu iş ileride. Oña siyaset ceetinden qıymet kesecekmiz», – dedi Qırım spikeri.

Bazar künü, noyabr 2-de, öz başına ilân etilgen «DNR» ve «LNR» cumhuriyetlerinde separatistlerniñ nezareti altında olğan yerlerde «saylavlar» olıp keçti. Kiyev ve dünya toplulığınıñ bir sıra vekilleri bu rey berüvni tanımayıp, mezkür «saylavlar» «Minsk añlaşmalarına» zıt kelgenini qayd ettiler.

XS
SM
MD
LG